Qərb zonasının müasir simasının formalaşmasına mühüm təkan kimi qiymətləndirilə biləcək bir layihə olan “Excelsior Hotel Shamkir” 2013-cü ildə Azərbaycan Respublikası Prezidenti Cənab İlham Əliyevə təqdim olunmuşdur. “Synergy Group” MMC-yə daxil olan Mehmanxana kompleksi 41 standart, 6 Business Suite, 5 Corner Suite və 1 Presidential Suite olmaqla, 53 rahat otaqdan ibarətdir. Otaqların dizaynında Şəmkirin qədim xalça ornamentlərindən istifadə olunmuşdur.

“Excelsior Hotel Shamkir” çeşidli mətbəxi və obyektləri ilə fərqlənir. Burada yerli və dünya mətbəxinin ən dadlı təamlarının təklif edildiyi “Baku” restoranı, pivənin Avstriya texnologiyası əsasında yerindəcə istehsal olunub müştərilərə təqdim edildiyi “Brau Pub” və yerli və xarici istehsal olan şərab növləri təklif edən şərab evi fəaliyyət göstərir. Həmçinin, türk hamamı və “Jasmine” SPA qonaqlara geniş çeşiddə xidmətlər təqdim etməklə onların xoş istirahətini təmin edir. Ən müasir avadanlıqlarla təchiz olunmuş “Fərman Salmanov” konfrans zalı mötəbər yerli və beynəlxalq tədbirlərə ev sahibliyi etmək üçün bütün zəruri şəraitlə təmin edilmişdir.

Otel haqqında əlavə məlumat üçün www.excelsiorhotelshamkir.az veb səhifəsinə müraciət edə bilərsiniz.